Persónsupplýsingar

Viðgerð av persónsupplýsingum í P/F Wenzel

Endamál

Endamálið við hesum politikkið er at upplýsa fyri kundum, hvørjar upplýsingar vit innheinta og viðgera í sambandi við kundaviðurskifti og vitjan av okkara heimasíðu.

Hendan kunningin lýsir, hvussu P/F Wenzel verjir tínar persónsupplýsingar og tíni lógfestu rættindi. Sum liður í rakstrinum, skráseta og brúka vit upplýsingar um teg. Øll viðgerð av persónsupplýsingum verður gjørd í trúnaði samsvarandi galdandi lóggávu um persónligar upplýsingar.

Kunning

P/F Wenzel er ein bilasøla, hvørs virksemi fevnir um keyp og sølu av akførum, sølu av verkstaðstænastum og eykalutum.

Ein liður í virkseminum hjá P/F Wenzel er at skráseta og viðgera persónupplýsingar hjá kundum og veitarum. Endamálið við hesum er at veita best møguliga tænastu, at halda avtalur við kundan og at halda ta lóggávu, sum P/F Wenzel er fevnt av.

P/F Wenzel er dátuábyrgdari fyri viðgerð av persónupplýsingum hjá P/F Wenzel og tekur øll neyðug stig fyri at verja tínar persónupplýsingar í samsvari við galdandi dátuverndarlóg.

Øll kunning um samband, staðseting og líknandi er at finna á heimasíðu okkara www.wenzel.fo

Heimild

Sambært dátuverndarlógini kunnu persónupplýsingar viðgerast, um í minsta lagi eini av hesum viðurskiftum gera seg galdandi:

skrásetti hevur givið sítt samtykki til viðgerð av persónupplýsingum til eitt ella fleiri nágreinað endamál, sbr. § 8, stk. 1, nr. 1
viðgerð er neyðug fyri at halda eina avtalu, sum skrásetti er partur av, ella fyri at gera tað, sum eftir áheitan frá skrásetta er neyðugt, áðrenn avtalan verður gjørd, sbr. § 8, stk. 1, nr. 2
viðgerð er neyðug fyri at halda eina rættarliga skyldu, sum liggur á dátuábyrgdaranum, sbr. § 8, stk. 1, nr. 3
viðgerð er neyðug, fyri at dátuábyrgdarin ella ein triðipersónur kann fylgja einum heimilaðum áhugamáli, um ikki áhugamál ella grundleggjandi rættindi hjá skrásetta, sum krevja vernd av persónupplýsingum, ganga fram um, sbr. § 8, stk. 1, nr. 6.

Nær viðger P/F Wenzel persónupplýsingar

Vit skráseta og brúka tínar upplýsingar fyri at halda tær avtalur, ið eru gjørdar við teg, undir hesum avtalur um keyp av vørum og tænastum.

P/F Wenzel skrásetir og viðger persónupplýsingar:

1) tá tú:

umvegis heimasíðuna hjá P/F Wenzel bíleggur verkstaðstíð ella tilmeldar tíðindabrævið/limahaldið ”Wenzel+”.
gert ella ætlar at gera avtalu um tænastu ella eina vøru við P/F Wenzel, herundir leiguakfør
keypir ella selur akfør umvegis P/F Wenzel
samtykkir, at P/F Wenzel viðger tínar persónupplýsingar til eitt ella fleiri ávís endamál.

2) í sambandi við:

skráseting av akførum og eigaraskiftir av akførum – Akstovan
skráseting av akførum og eigaraskiftir av akførum – importørar
tá søkt verður um fígging til keyp av akfari
avgreiða tryggingarviðurskifti vegna kunda sum keypir ella selur akfar
leigu av akfari
ráðgeving í sambandi við sølu
ráðgeving í sambandi við keyp

3) tá tað er álagt P/F Wenzel við lóg, sbr. eitt nú:

lóg um skráseting av motorakførum
hvítvasklógina
skattalógina
bókhaldslógina
dátuverndarlógina

4) tá tað er neyðugt fyri at fylgja heimilaðum áhugamálum hjá P/F Wenzel, og áhugamálini hjá P/F Wenzel samstundis greitt ganga fram um atlit til tín. Í metingini verður serligur dentur lagdur á tín áhuga í, at P/F Wenzel ikki viðger tínar persónupplýsingar.

Heimilaðu áhugamálini eru eitt nú:

at ráðgeva og veita kundatænastu umframt umsiting av hesum
at menna, greina og umsita virksemi, skipanir, tænastur og veitingar hjá P/F Wenzel
at styrkja um KT-trygdina
at lúka lógarkrøv

Hvørjar persónupplýsingar

P/F Wenzel viðger hesar persónupplýsingar um teg:

vanligar upplýsingar, so sum navn, bústað, telefonnummar og teldupost
Upplýsingar um tær tænastur og vørur, tú umbiður.
Nummarspjaldur á akfarinum hjá tær, sum hevur keypt ella selt eitt akfar, ella brúkar verkstaðstænastur okkara
Kontonr. í peningastovni tínum, tá talan er um keyp av akførum frá tær ella í sambandi við fígging til sølu av akfari til tín.
Tryggingarfelag, um talan er um keyp og sølu av akfari
p-tal
samleikaprógv

P/F Wenzel skrásetir ikki viðkvæmar persónupplýsingar hjá viðskiftafólkum.

Sannlíkindini fyri at P/F Wenzel kann veita tær bestu ráðgeving, vøru og tænastu eru tengd at, hvørjar upplýsingar P/F Wenzel hevur um teg. Tí er tað týdningarmikið, at tú gevur P/F Wenzel rættar og neyvar upplýsingar og boðar frá møguligum broytingum.

Hvaðani koma persónupplýsingar

P/F Wenzel fær persónupplýsingar frá:

Tær
Í ávísum førum peningastovnum, tá talan er um fígging til akfarskeyp

Hvagar fara persónupplýsingar

P/F Wenzel letur persónupplýsingar víðari til almennar myndugleikar, um heimild er til tað í lóggávu, um samtykki er givið ella hetta er partur av eini avtalu við teg.

Tað er krav at upplýsingar um teg verða sendar Akstovuni, í sambandi við keyp ella sølu av akfari, herundir skráseting av nýggjum motorakfari. Harumframt er krav sambært lóg at tryggja akfør í sambandi við eigaraksiftir ella skráseting av motorakfarið. Í hesum føri verða upplýsingar latnar tryggingarfeløgum eftir ávísing frá tær.

Í ávísum førum, í sambandi við keyp og sølu av akførum, sendir P/F Wenzel eftir avtalu við teg, upplýsingar um teg til peningastovnin hjá tær.

Vit lata harumframt upplýsingar um teg víðari, tá ið tað er álagt P/F Wenzel við lóg, eitt nú til National enhed for Særlig Kriminalitet, NSK (áður SØIK).

Importørar av bilamerkjunum, ið vit umboða, krevja at upplýsingar um keypara, verða skrásettar í skipanum teirra. Hetta fyri at garantiskyldur og fráboðanir um kampagnur og neyðugar umvælingar, verða sendar til eigaran av bilinum. Samtykki til hetta verður innheintað við undirskrift av keypssáttmála.

Hvussu leingi verða persónupplýsingar goymdar?

P/F Wenzel goymir tínar upplýsingar, so leingi, sum tað er neyðugt, í mun til tey endamál, sum upplýsingarnar vórðu savnaðar saman til. Vit goyma tí altíð tínar upplýsingar so leingi, vit veita tær eina tænastu ella eina vøru. Hevur tú keypt eina vøru ella eina tænastu frá okkum, goyma vit tínar upplýsingar í fimm ár fyri at liva upp til okkara skyldu sambært bókhaldslógini.

Hevur tú teknað hald av tíðindabrævið, verða tínar upplýsingar goymdar til tú meldar haldið frá. Hóast P/F Wenzel strikar aðrar upplýsingar um teg, verða upplýsingar um akfar títt, har P/F Wenzel hevur staðið fyri søluni, keypi ella framt verkstaðstænastur, altíð goymdar fyri at føra hagtøl, og at kunna geva bestu tænastu í mun til okkara vitan um akfar títt.

Tíni rættindi

Rættur til innlit

Tú hevur rætt til at fáa innlit í, hvørjar persónupplýsingar P/F Wenzel viðger um teg, hvaðani upplýsingarnar stava, hvat P/F Wenzel brúkar tær til, og hvørjir møguligir móttakarar av upplýsingunum eru.

Lóggávan setur tó avmarkingar í rættin til innlit, orsakað av dátuvernd hjá øðrum persónum og virksemisgrundarlagnum hjá P/F Wenzel.

Rættur til rætting ella striking

Um upplýsingar, sum P/F Wenzel viðger um teg, eru skeivar, ófullkomnar ella óviðkomandi, hevur tú, við teimum avmarkingum, sum eru í galdandi lóggávu, rætt til at krevja, at P/F Wenzel rættar ella strikar upplýsingarnar.

Rættur til viðgerðaravmarking

Meginreglan er, at tú kanst krevja, at viðgerð av persónupplýsingum verður avmarkað ella steðgað. Hetta kanst tú tó ikki krevja, um P/F Wenzel hevur lógarheimild til at viðgera persónupplýsingarnar, ella heimilaðu áhugamálini hjá P/F Wenzel ganga fram um tíni áhugamál ella grundleggjandi rættindi.

Rættur til mótmæli

Tú kanst mótmæla, at persónupplýsingar um teg verða viðgjørdar. Um átalan er heimilað, verður viðgerðin steðgað.

Rættur til dátuflyting

Um P/F Wenzel viðger persónupplýsingar um teg, grundað á samtykki ella fyri at halda eina avtalu, og viðgerðin fer fram sjálvvirkandi, hevur tú rætt til at flyta tær upplýsingar, tú hevur latið P/F Wenzel, til annan dátuábyrgdara.

Talgild viðgerð av persónupplýsingum

Farspor (Cookies)

Tá tú vitjar heimasíðuna hjá P/F Wenzel, leggur tú elektronisk spor eftir tær, sum nevnast farspor. Farspor eru lítlar tekstfílur, sum heimasíður brúka fyri at kenna tína teldu aftur. Farspor eru ikki forrit, men óvirknar fílur, sum hvørki spjaða virus ella onnur skaðilig forrit.

Tú finnur nærri kunning um farspor her: https://wenzel.fo, á Cookie.fo breddanum (tannhjól).

Tínar upplýsingar umvegis heimasíðuna.

P/F Wenzel skrásetir upplýsingar um teg, tá tú umvegis heimasíðuna hjá P/F Wenzel bíleggur verkstaðstænastur ella ynskir at gerast limur í Wenzel+, herundir tilknýtta tíðindabrævinum.

P/F Wenzel á Facebook

Tá tú vitjar Facebooksíðuna hjá P/F Wenzel, savnar og viðger Facebook persónupplýsingar um teg, sum lýst í dátu- og farsporpolitikkinum hjá Facebook.

Facebook savnar upplýsingarnar við at leggja farspor á tína elektronisku eind, tá tú ert virkin á Facebooksíðuni hjá P/F Wenzel, eitt nú tá tú “dámar”, “deilir” ella viðmerkir eitthvørt á síðuni. Tílík farspor eru virkin í tvey ár, um tú ikki strikar tey.

Facebook brúkar upplýsingarnar til at menna lýsingar og laga marknaðarførslu til Facebooksíðuna hjá P/F Wenzel. P/F Wenzel fær regluliga hagtøl um brúkarar, sum hava verið virknir á Facebooksíðuni hjá P/F Wenzel, og kann gagnnýta hagtølini til at laga marknaðarførslu til ymiskar málbólkar.

P/F Wenzel og Facebook eru saman um ábyrgdina av dátusavningini. Tað merkir, at tú til eina og hvørja tíð kanst gera tíni rættindi sambært dátuverndarlógini galdandi, bæði mótvegis P/F Wenzel og Facebook.

Gev gætur, at tá tú skrivar til P/F Wenzel umvegis Facebook, kann P/F Wenzel ikki brongla, verja, rætta ella strika tínar upplýsingar. P/F Wenzel mælir tí til, at tú í staðin setur teg í samband við P/F Wenzel á telefon 354500, ella at tú vitjar okkum á Slættanesgøtu 2-4, 100 Tórshavn.

Nærri kunning um dátu- og farsporpolitikkin hjá Facebook sæst her: https://www.facebook.com/privacy/explanation.

Starvsumsóknir/umsøkjarar

Tá ið vit móttaka eina starvsumsókn og fylgiskjøl, verða øll skjølini lisin av tí ávísa leiðaranum við tí endamáli, at svara og meta um innihaldið í sambandi við eitt ávíst arbeiði. Okkara lógarheimild til viðgerðina av umsóknini er ”heimilaðu áhugamál”.

Umsókn og fylgiskjøl verða deild víðari innanhýsis til persónar, sum eru í setannarbólkinum, og verða ikki víðarigivin til onnur uttanfyri fyritøkuna.

Persónupplýsingarnir, sum koma fram í setanartilgongdini, verða viðgjørdir við fylgjandi grundarlagi: heimilaðu áhugamál.

Umsóknir og fylgiskjøl verða goymd, til rætti umsøkjari er funnin, og setannartilgondin er endað. Eftir hetta verða umsókn og fylgiskjøl hjá teimum sum ikki fingu starvið slettað.

Tá ið talan er um óbidnar umsóknir verður mett um, um umsóknin skal goymast, so skjótt sum hon er móttikin. Um hildið verður at hon skal goymast, verður biðið um samtykki frá umsøkjaranum at goyma umsóknina, annars verður noktandi svar sent, og umsóknin slettað beinanvegin.

Um umsókn og fylgiskjøl verða goymd í meiri enn 6 mánaðir, skal biðjast um eitt nýtt samtykki frá umsøkjaranum.

Eftirlit við vakmyndatóli

Sum partur av trygdarfyriskipanini hjá umráðnum hjá P/F Wenzel er eftirlit við vakmyndatólum. P/F Wenzel tryggjar til eina eina og hvørja tíð, at brúkið av vakmyndatólunum er gjørt í tráð við ásetingarnar í lógini.

Allar upptøkurnar goymast í mesta lagið í 30 dagar, og síðani verða upptøkurnar strikaðar.

Samtykki

Tú kanst altíð taka títt samtykki aftur við at seta teg í samband við P/F Wenzel á teldupost martin@wenzel.fo ella bilasolan@wenzel.fo.

Tá samtykki verður tikið aftur, verður viðgerðin av viðkomandi upplýsingum steðgað.

Afturtøkan ávirkar tó ikki heimildina av viðgerðini, sum er farin fram, undan afturtøkuni.

Um tú tekur samtykki aftur, kann tað hava við sær, at P/F Wenzel ikki framhaldandi fær bjóðað tær ávísar tænastur ella veitingar.

Samband og klaga

Hevur tú spurningar um tíni rættindi ella um, hvussu P/F Wenzel viðger tínar persónupplýsingar, ert tú vælkomin at seta teg í samband við P/F Wenzel á teldupost bilasolan@wenzel.fo.

Ert tú ónøgd/ur við, hvussu P/F Wenzel viðger tínar persónupplýsingar, kanst tú seta teg í samband við Martin Skúvadal, fíggjarstjóra, á teldupost martin@wenzel.fo.

Tú kanst eisini seta teg í samband við Dátueftirlitið viðvíkjandi klagum og spurningum:

Dátueftirlitið

dat@dat.fo

Tinganes, Postboks 300

FO-110 Tórshavn

Tlf.: + 298 309 100